VIDEO/ Bayern tregon forcën, mposht Realin në “Bernabeu”

Bayern Munchen ka arritur një fitore të rëndësishme në ndeshjen e parë çerekfinale përballë Real Madrid në “Santiago Bernabeu”, duke triumfuar me rezultatin 1-2.

Sfida e luajtur në kryeqytetin spanjoll nisi menjëherë me spektakël, me bavarezët që tentuan të gjenin golin në fillim me Upamecanon.

Kundërpërgjigja e madrilenëve nuk mungoi, të cilët iu afruan avantazhit me Vinicius dhe Mbappe.

Gjithsesi, katër minuta nga fundi i pjesës së parë, Gnabry gjeti të lirë Luis Diaz, me këtë të fundit që ndëshkoi Lunin.

Pjesa e dytë nisi ashtu siç u mbyll e para për bavarezët, të cilët shënuan dhe golin e dytë në minutën e 46’ me anë të Harry Kane, i cili ndëshkoi sërish Lunin.

Golat e Diaz dhe Kane

“Los Blancos” u zgjuan dhe provuan disa herë për të rihapur lojën, me Mbappe që shënoi në minutën e 74’, duke sjellë drithërima në kampin gjerman.

Gjithsesi, ekipi i Kompany arriti të ruante rezultatin pjesën e mbetur të lojës, duke marrë një fitore të rëndësishme në ndeshjen e parë dhe duke shkuar të qetë në të dytën, ndërsa Realit do t’i duhet një “përmbysje” për të kaluar në gjysmëfinale.

Ndeshja tjetër çerekfinale, Sporting Lisbona-Arsenal u mbyll me fitoren 0-1 të londinezëve