Vdekja e ish-bashkëshortes së portierit të famshëm/ Prokuroria jep pretencën për dy mjekët
Prokuroria e Apelit shpalli pretencën për dy mjekët Petrit Rexhepi dhe Elona Burba, të akuzuar lidhur me rastin e vdekjes së Doriana Hakës bashkëshortes së portierit të njohur Alban Hoxha, nëntorin e 2014-ës.
Për mjekun gjinekolog Petrit Rexhepi, është kërkuar dënimi me 9 muaj burgim. Por për shkak të moshës mbi 70 vjec u kërkua pezullimi i ekzekutimit të vendimit dhe vënia në shërbim prove për 18 muaj. Prokuroria kërkon që Rexhepit ti pezullohet licenca për 5 vite, duke mos patur mundësi të ushtrojë profesionin.Për reanimatoren Elona Burba u kërkua dënimi me 1 vit burg, si dhe heqja e licencës për 5 vite.
Me 10 nëntor, kur edhe është caktuar seanca e radhës, mjekët do të paraqesin argumentat e tyre të mbrojtjes.
Doriana Haka humbi jetën në nëntor të vitit 2014, dy javë pas lindjes së fëmijës së saj të parë, një rast që familjarët e konsiderojnë si neglizhencë mjekësore.