“Vepra të zgjedhura në fushën e sizmiologjisë”, përurohet vepra e akademikut Eduard Sulstarova

Akademia e Shkencave të Shqipërisë përuroi veprën shkencore “Vepra të zgjedhura në fushën e sizmologjisë”, me autor profesor Eduard Sulstarova.

Akademiku Sulstarova u shqua për kontributin e tij të madh në ngritjen dhe konsolidimin e shërbimit sizmologjik në Shqipëri, në formimin e kuadrove dhe të shkencëtarëve të rinj, si edhe në drejtimin për shumë vite të institucioneve shkencore të Akademisë së Shkencave.

Studimet dhe botimet e tij u kthyen në referencë kryesore pas tërmetit tragjik të 26 nëntorit, ndërsa kolegë vendas dhe të huaj vlerësuan rolin dhe rëndësinë e kërkimeve të tij shkencore. E gjithë veprimtaria e akademikut Eduard Sulstarova iu kushtua zhvillimit të sizmologjisë në Shqipëri.

/rtsh.al/