Vidhet kasaforta e mjekut, dy hajdutët morën 15 mijë euro, por u kapën nga policia (VIDEO)

Dy persona janë arrestuar nga policia  e Tiranës pasi vodhën një kasafortë me 15 mijë euro.

Kasaforta u grabit  në shtëpinë e mjekut, Dritan Alushani. Siç shihet edhe nga pamjet, dy autorët Arbnor Xhimaj dhe Lejdjan Gjoka, pasi marrin kasafortën nga shtëpia e mjekut nxitojnë ta vendosin në automjetin e tyre pa i vënë re kamerat e sigurisë.

Të dy ata rezultojnë të dënuar më parë për vjedhje dhe njëri prej tyre aktualisht ndodhet me masë sigurie “Arrest në shtëpi”, po për vjedhje.

Ndërkohë policia ka  sekuestruar automjetin e përdorur nga autorët për të realizuar vjedhjen.

/vizionplus.tv