Viktima e përmbytjeve në Durrës, familjarët: Humbi jetën në krye të detyrës!

Dy ditë pasi u gjet i pajetë në Plepa të Durrësit, familjarët e Astrit Hysenajt deklarojnë se i afërmi i tyre humbi jetën teksa ishte në orari e punës.

Për këtë, ata thonë se disponojnë edhe pamje të kamerave të sigurisë në zonë ndaj kërkojnë që ngjarja të njihet zyrtarisht si humbje jete në krye të detyrës.

“Familjarët thonë që ky ka rënë në krye të detyrës. Sipas pamjeve tona ai ka qenë në detyrë deri në 8:25. Ata që i takojnë sipas ligjit, kur një punonjës humb jetën në krye të detyrës. Nëse ka pamje të tjera që tregojnë që ka qenë jashtë orarit të punës të na e thonë. Ne mendojë se atëherë 8:25 ka ndodhur tragjedia”, tha Osman Hysenaj, kushëriri i viktimës.

Më datë 8 janar 54-vjeçari, punonjës i bashkisë së Durrësit, u gjet i pajetë në Plepa, pas kërkimeve nga shërbimet e Policisë dhe nga polumbarët e Reneas, ku u gjet trupi i pajetë në një kanal kullues në afërsi të Ish-repartit Ushtarak.

Bashkia Durrës tha zyrtarisht, se Astrit Hysenaj ishte paraqitur në punës dhe është larguar pasi ka mbaruar orarin e punës.

Gazetare: Flutura Tota

/rtsh.al/