Vranë prindërit, Kryeprokurori: Vëllezërit Menendez e kanë larë borxhin ndaj shoqërisë
Dy vëllezër që u dënuan për vrasjen e prindërve të tyre në një rast që tronditi Amerikën më shumë se tre dekada më parë, janë një hap më pranë lirimit me kusht.
Një avokat në Los Anxhelosit ka sugjeruar që Erik dhe Lyle Menendez të lirohen me kusht sepse provat e reja meritonin një rishikim.
Vrasjet e vitit 1989 të Kitty dhe Jose Menendez në rezidencën e tyre në Beverly Hills kanë tronditur SHBA-në prej vitesh, duke frymëzuar së fundmi një serial të njohur të Netflix.
Që vëllezërit të fitojnë lirinë e tyre, një gjyqtar duhet të pajtohet me rekomandimin dhe më pas një bord i lirimit me kusht të miratojë lirimin e tyre.
Erik Menendez, 53 vjeç dhe Lyle Menendez, 56 vjeç, aktualisht po vuajnë burgim të përjetshëm pa mundësi lirimi me kusht në Kaliforni.
Prindërit e tyre u qëlluan 13 herë teksa shikonin televizor.
“Unë besoj se vëllezërit ishin subjekt i një mosfunksionimi në shtëpinë e tyre dhe abuzimi,” tha George Gascón, prokurori i lartë i LA County, të enjten.
Ai shtoi se ata e kanë paguar “borxhin” ndaj shoqërisë.
Gjatë gjyqeve të tyre penale në vitet 1990, prokurorët i përshkruanin vëllezërit si fëmijë të pasur që planifikonin në mënyrë metodike vrasjet për të pasur akses në pasurinë e prindërve të tyre./vizionplus.tv