Xi Jinping në Korenë e Veriut pas 7 vitesh, pritje madhështore me lule dhe të shtëna me top
Presidenti i Kinës Xi Jinping u prit me ceremoni madhështore në kryeqytetin e Koresë së Veriut, Phenian, gjatë vizitës së tij të parë në vend pas shtatë vitesh. Në aeroport, ai u mirëprit nga udhëheqësi i Koresë së Veriut Kim Jong Un dhe bashkëshortja e tij, Ri Sol Ju.
Presidenti u prit me 21 të shtëna topi dhe parada ushtarake. Në sheshin “Kim Il Sung”, qytetarë të shumtë mbanin lule dhe flamuj, ndërsa trupat e nderit shprehën mbështetjen e tyre për liderin kinez.
When Xi Jinping arrived in Pyongyang, Kim Jong-un personally greeted him at the airport. At present, when the leaders of North Korea, China and Russia visit North Korea, Kim Jong-un will greet them at the airport. pic.twitter.com/Rll56okfLx
— Guan Gong (@sxrbggpp) June 8, 2026
Sipas mediave shtetërore kineze, Xi dhe bashkëshortja e tij, Peng Liyuan, u pritën ngrohtësisht nga autoritetet koreano-veriore, ndërsa fëmijët u dorëzuan buqeta me lule delegacionit kinez.
Kjo është vizita e parë jashtë vendit për këtë vit e Xi Jinping dhe vjen në një moment tensionesh të larta gjeopolitike në Azi dhe më gjerë.
Pekini synon të riafirmojë rolin e tij si një aktor kryesor global dhe të forcojë lidhjet tradicionale me Phenianin, në një kohë kur marrëdhëniet e Koresë së Veriut me Rusinë janë intensifikuar ndjeshëm.
Në një deklaratë zyrtare, Xi theksoi se “miqësia tradicionale mes Kinës dhe Koresë së Veriut mbetet e pathyeshme dhe e gjallë”, duke sinjalizuar vazhdimësinë e bashkëpunimit mes dy vendeve.
Nga ana tjetër, Pheniani e përdor këtë vizitë për të balancuar marrëdhëniet mes Kinës dhe Rusisë, duke kërkuar përfitime ekonomike dhe ushtarake nga të dyja palët pa u varur plotësisht nga asnjëra.
On June 8, Xi Jinping, General Secretary of the CPC Central Committee and President of China, arrived in Pyongyang for a state visit to the DPRK. Escorted by protocol motorcycle outriders, he headed to Kim Il Sung Square.
#China #DPRK #StateVisit #Pyongyang pic.twitter.com/0ynYsNHlL6— Guan Gong (@sxrbggpp) June 8, 2026
Vizita vjen gjithashtu në një moment kur Koreja e Veriut ka intensifikuar aktivitetet e saj ushtarake, përfshirë zgjerimin e prodhimit të raketave balistike dhe forcimin e programit bërthamor, gjë që vazhdon të shqetësojë komunitetin ndërkombëtar.
Ndërkohë, mbetet e paqartë nëse programi bërthamor i Phenianit do të jetë pjesë e bisedimeve mes dy liderëve. Pekini ka shprehur shqetësim për stabilitetin rajonal, por njëkohësisht e sheh Korenë e Veriut si një aleat strategjik në balancimin e ndikimit të Shteteve të Bashkuara në Azi.
Vizita e Xi Jinping vlerësohet si një përpjekje për të ripozicionuar marrëdhëniet mes dy vendeve dhe për të forcuar bashkëpunimin në një periudhë tensionesh globale dhe rikonfigurimi të aleancave ndërkombëtare.