Zjarr i madh në Skuraj/ Vijon prej orësh, relievi i thyer favorizon flakët

Një masiv pyjor në fshatin Skuraj të Kurbinit është përfshirë nga flakët që prej mesditës së sotme. Mësohet se repartet e njësisë zjarrfikëse të Lezhës, Mirditës dhe Kurbinit po luftojnë me flakët të cilat duket se po favorizohen nga era e fortë. Sakaq, gazetari i ABC News Ahmet Zani raporton se ka nisur ndërhyrja nga ajri me helikopter për neutralizimin e vatrës.

Policia ka nisur hetimet për të zbuluar shkaqet, pasi dyshohet për zjarrvënie të qëllimshme.