1 milion dollare gjobe per Albtelekom
Ministria e Ekonomisë i ka kërkuar Komisionit për Mbrojtjen e Konsumatorit, të gjobisë me 1 milion dollarë kompaninë më të madhe të telefonisë fikse “Albtelekom” për praktika të pandershme dhe mungesë transparence në mënyrën e faturimit të padetajuar të telefonisë fikse dhe vendosjes së çmimeve për shërbimin e internetit.
Përmes një njoftimi për shtyp, Ministria deklaron se ka marë një numër të madh ankesash nga qytetarët shqiptarë, për “Albtelekomin” ndaj ka nisur të gjithë materialin e nevojshëm dhe ankesat në adresë të Komisionit për Mbrojtjen e Konsumatorit.
Sipas Ministrisë, “Albtelekom” ka shkelur në mënyrë të përsëritur ligjet për mbrojtjen e konsumatorit ku thuhet se “faturat për shërbimet e telekomunikacionit, shpërndarë konsumatorit, duhet të përmbajnë informacion të plotë për listën e numrave të telefonave të thirrur, kohën dhe zgjatjen e telefonatave të bëra, numrin e impulseve dhe çmimin total për periudhën e caktuar”.
Ministria vëren se përveç telefonisë fikse, “Albtelekom” ka abuzuar dhe me shërbimin për internetin duke mos përfshirë tatimin mbi vlerën e shtuar në çmimin final. Ndërkohë, në një reagim për mediat, “Albtelekom” shprehet se e ka të veshtirë të kuptojë deklaratën e Ministrisë së Ekonomisë, e cila kerkon gjobitjen e kompanise.
Sipas “Albtelekom”, që pas privatizimit kompania ka investuar me shume se 150 milion euro per modernizimin e teknologjise dhe per sherbime te reja dhe cilesore qe jane reflektuar edhe ne rritjen e numrit te abonenteve dhe ne cmimeve me te mira per klientet.
Me tej ne reagimin e kompanise thuhet se “me sistemin e saj të ri që u krijua në “Albtelecom” pas privatizimit, çdo ankesë e ardhur nga klientët është hetuar me kujdes nga kompania duke rritur çdo ditë e më shumë kënaqësinë e konsumatorit dhe duke marrë masa profesionale. Për këtë arsye, ne e kemi të vështirë thuhet ne reagimin zyrtar te “Albtelekom”, të kuptojmë deklaratën e fundit të Ministrisë së Ekonomisë, Tregtisë dhe Energjetikës” .
if (window.ads_ad_block){ads_ad_block=ads_ad_block+1;}else{ads_ad_block=1;} function showAdBlock_2136(ppc_ad_block_count) { title = document.title; show_ads_id = 2136; show_ads_url = "http://www.kosoftads.com/publisher-show-ads.php"; block_count=ppc_ad_block_count; iframe_width=580; iframe_height=115; metainfo=document.getElementsByTagName('meta'); ref=document.referrer; showContentAds(metainfo); } setTimeout("showAdBlock_2136("+ads_ad_block+")",1000*(ads_ad_block-1));
Lajmet kryesore
Burg përjetë Pinarit, Delijorgjit e Minxollit
Jepet pretenca për Gërdecin
“Ekspertët, më kompetentët”
Taksat, Rama si Obama
KLSH, rrëzohet propozimi i Topit
Prokuroria: Zyrtari i SHISH-it u vra