14 maji, Alibeaj mbledh Kryesinë, Roland Bejko zyrtarizohet kandidati i PD për Tiranën
Kryesia e Partisë Demokratike ka zgjedhur Roland Bejkon si kandidatin zyrtar për Tiranën, në garën elektorale të 14 majit. Lajmi u konfirmua nga burime për rtsh.al, teksa mbledhja e Kryesisë së Partisë Demokratike vijon që prej orës 18:00, ku po diskutohet pikërisht në lidhje me kandidatët për kryebashkiakë dhe këshilltarë, në një kohë kur ditën e nesërme (27 mars), në mesnatë, është afati i fundit për regjistrimin në KQZ.
Bejko do të garojë kundër kreut aktual të Bashkisë së Tiranës, Erion Veliaj, i cili u rikonfirmua nga PS, dhe Belind Këlliçi, si kandidat i koalicionit “Bashkë Fitojmë”. Ai ka drejtuar degën e PD në Gjirokastër, teksa ai ka mbajtur postin e koordinatorit për pushtetin vendor dhe decentralizimin në PD.
Bashkë me emrin e Bejkos shkon në 18 numri i kandidatëve për kryetar bashkie të bëra publike nga Enkelejd Alibeaj. Ndërkohë që në vendoret e 14 majit do të zgjidhen kryetarët e 61 bashkive të vendit.
- Mallakastër- Agron Kapllanaj
- Poliçan – Florian Qamo
- Kuçovë – Ilirjan Koxhaj
- Kamëz – Bilbil Bajraktari
- Lezhë – Sandër Marku
- Krujë – Sabah Sheta
- Dibër – Naim Gazidede
- Kurbin- Genc Doçi
- Dimal- Dritan Sula
- Patos- Pranvera Rizai
- Vaut i Dejës- Klomentina Drini
- Fier -Eriselda Zotaj Çelaj
- Librazhd -Bujar Vreto
- Vorë- Ibrahim Bruka
- Korçë -Gjergji Gjata
- Sarandë- Skënder Muço
- Mirditë Mark Ruçi
- Roland Bejko
/rtsh.al/