24 të vdekur si pasojë e një aksidenti hekurudhor në Indi

Si pasojë e përplasjes mes një treni të udhëtarëve dhe të një treni të mallrave dhe si pasojë e zjarrit që shpërtheu më pas, së paku 24 udhëtarë kanë vdekur, ndërsa mbi 40 të tjerë janë lënduar në jug të Indisë.

Rreth 70 udhëtarë janë shpëtuar nga vagoni i trenit të udhëtarëve, ndërsa nga 40 të lënduarit, të cilët janë dërguar në spital, 10 prej tyre janë në gjendje kritike, ka deklaruar shefi i policisë lokale, Charu Sinha.

Disa nga viktimat janë gra dhe fëmijë, por shumica janë punëtorë të ndërtimtarisë, të cilët kanë qenë duke udhëtuar për në qytetin Bangalore.