257 te denuar, pritet te lirohen
Tirane- Plot 257 te denuar kane aplikuar per te perfituar nga Sherbimi i Proves, vendime te cilat pritet qe te ekzekutohen pas pushimeve verore. Dosjet perkatese te tyre jane ne duart e specialisteve, te cilet jane duke pare edhe kriteret perkatese, qe duhet te plotesojne keta te denuar. Kete fakt e ka bere te ditur dje, ministri i Drejtesise gjate nje tryeze te rrumbullaket te zhvilluar ne ambientet e ketij institucioni. Ne kete takim moren pjese edhe zevendesministrja e Drejtesise, Paulina Hoti, zevendesministri i Drejtesise, Ermal Dobi, Avokati i Popullit, Ermir Dobjani, perfaqesues te EURALIUS, OSBE, UNICEF, OPDAT si dhe partneret vendas, qe kane asistuar ne Ministrine e Drejtesise ne kete proces te suksesshem, gjyqtaret, prokuroret etj. Gjate fjales se tij ministri i Drejtesise, Enkelejd Alibeaj theksoi, se "qellimi kryesor i veprimtarise se Sherbimit te Proves eshte, qe ne raste te shkelesve te ligjit dhe te veprave penale me rrezikshmeri te ulet shoqerore, gjykata te shqiptoje nje denim provues, qe duhet mbikeqyrur. Ky qellim siguron nga njera ane, riintegrimin e suksesshem te individit ne shoqeri dhe nga ana tjeter, nevojen per te mbrojtur shoqerine nga shkelja e ligjit". Aktualisht ne 20 institucionet e burgimit, te shperndara ne te gjithe vendin tone ndodhen rreth 5 mije persona te burgosur. Sipas analizave e statistikave te kryera nga ana e Ministrise se Drejtesise, per nje pjese te mire te tyre, jane dhene masa denimi me gjobe apo me burgim, nderkohe qe perbenin raste potenciale per dhenien e denimeve alternative. Por sic shpjegon Alibeaj, keto denime alternative nuk jane dhene nga gjykatat, per shkak te mangesive ne kuadrin ligjor dhe te mungeses se Sherbimit te Proves, per mbikeqyrjen e tyre. "Ne intervalin dy mujor te ekzistences se Sherbimit te Proves, ky sherbim eshte duke mbikeqyrur 257 urdhra per ekzekutimin e denimeve penale alternative. Ky numer perben nje tregues te numrit te rasteve, qe ne situaten perpara prezantimit te sherbimit te proves, do te destinoheshin per sistemin e burgjeve", theksoi ministri Alibeaj. Te gjithe personat te cilet perfitojne nga Sherbimi i Proves, vihet nen sensibilizim dhe pergatitje te pershtatshme nga ana e Drejtorise se Pergjithshme te Burgjeve. Pra burgjet ngarkohen qe t'u japin te gjithe te denuarve qe perfitojne nga sherbimi i proves, informacionin e duhur mbi kuadrin ligjor ekzistues dhe vleresimin e drejte te rasteve potenciale, per programin e masave alternative. Per rrjedhoje, rendesi te vecante ne zbatimin e denimeve alternative ka edhe puna konkrete qe behet brenda burgut. Nga ana tjeter, nje pune e kujdesshme e Sherbimit te Proves jep efekte te menjehershme ne uljen e mbipopullimit ne burgje dhe rrjedhimisht, ne uljen e kostove financiare shteterore. Ne kete marredhenie bashkepunimi, Sherbimi i Proves dhe Drejtoria e Pergjithshme e Burgjeve bashkepunojne edhe per percaktimin e institucioneve te duhura, te ekzekutimit te denimit penal ne rastin e alternatives se gjysme lirise.