7 Marsi, mesuesit e festuan nje dite perpara

Shkollat e kryeqytetit e kane festuar qe dje festen zyrtare te 7 Marsit. Kjo, jo per shkak te ndonje lajthitjeje ne kalendar, por prej faktit se festa kete vit perkoi me dite te shtune, ku nuk zhvillohet mesim dhe per shkak te mungeses se aktiviteteve.

Kryeministri Berisha do te mbledhe sot ne Pallatin e Kongreseve rreth 3 mije arsimtare, per te ndare me ta urimin e festes. Ndersa presidenti Topi takoi dje nje grup arsimtaresh me pervoje me rastin e festes.

Sot pritet qe restorantet te mbushen plot nga mesues te cilet preferojne qe te shijojne nje dreke te mire ne kete dite. Nxenesit i kane bere qe dje dhuratat e radhes. Nuk kane munguar lulet, por kete vit "menyse" se dhuratave per mesuesit u jane shtuar edhe librat.

7 Marsi perkujton hapjen e shkolles se pare shqipe ne vend. Ne kete date te vitit 1887 eshte çelur ne Korçe Mesonjetorja e Pare, arritje e cila perkujtohet çdo vit ne Shqiperi, duke i atribuuar profesionit te mesuesit vlerat e perhapjes se diturise.

Aktualisht ne Shqiperi numerohen rreth 38 300 mesues qe ushtrojne profesionin e tyre, prej te cileve mbi 30 mije japin mesim ne shkollat 9-vjeçare dhe rreth 7900 te tjere ne shkollat e mesme.