A. Press për zgjedhjet: Vonesa gjatë procesit të numërimit

The Associated Press/ Gjatë një shkrimi të sotëm, A.P raporton disa konstatime të vëzhguesve ndërkombëtarë për zgjedhjet në vendin tonë, sipas të cilëve ndërhyrjet politike kanë vonuar procesin e numërimit të votave.

Rreth 500 vëzhgues ndërkombëtar monitoruan procesin zgjedhor Shqipëri, që konsiderohet si një provë e rëndësishme për demokracinë në vendin e vogël të Ballkanit.

"Numërimi i votave është zgjatur dhe shënohet nivel i lartë mosbesimi ndërmjet partive politike dhe përfaqësuesve të tyre në të gjitha nivelet e administratës zgjedhore," citon A.P raportin e fundit të misionit vëzhgues ndërkombëtar i kryesuar nga Zyra e OSBE për Institucione Demokratike dhe të Drejta të Njeriut.

Më tej raportohet se KQZ ka në shqyrtim ankesa nga partitë politike para se të vulosë emrat e 140 deputetëve të rinj të parlamentit.

Demokratët e Berishës dhe të LSI-së premtuan formimin e një koalicioni për qeverisje të qëndrueshme me synim anëtarësimin e Shqipërisë në Bashkimin Europian.

Por opozita socialistët ka ngritur akuza për procesin e numërimit dhe ka kërcënuar se nuk do të njohë zgjedhjet.

Vëzhguesit vunë në dukje problemet procedurale për shkak të mungesës së trajnimit dhe udhëzime të mjaftueshme të komisionerëve.