A po plaket Shqipëria?

Shqipëria vazhdon te mbetet një vend me moshë mesatare të re, nën 33 vjeç. Por që nga viti 1960, lindjet kanë pësuar rënie, tendencë që konfirmohet edhe nga regjistrimi i fundit i popullsisë në vitin 2001.

Kjo rënie e lindjeve tërheq vëmendjen për fillesën e plakjes së popullsisë.

Shqipëria numëron sot 29 shtëpi publike dhe jo publike, të licencuara nga Ministria e Çështjeve Sociale, që ofrojnë strehim, ushqim dhe aktivitete për 1700 të moshuar.

Kusht kryesor, të qenët i braktisur dhe me të ardhura të pakta.

Kjo përcaktohet nga pushteti lokal.

Shtëpia e të Moshuarve në kryeqytet ka 30 të moshuar rezidentë dhe 20 të tjerë nga komuniteti, që vijnë kalojnë ditën.