AAK-së në Pejë iu bashkohen 110 anëtarë të rinj
Para strukturave të partisë dhe anëtarësisë së re, Ali Berisha në cilësinë e kryetarit të degës, aktivitetin e sotëm ja ka dedikuar 100 vjetorit të shtetit shqiptar.
I bindur se 29 nëntori do të jetë ditë feste për AAK-në, Berisha ka thënë se dita e një shekulli të dytë të shtetit shqiptar, do të jetë ditë e Ramushit.
“Ne sot jemi të bindur se dita parë e shekullit të dytë të pavarësisë së Shqipërisë,së pavarësisë së shqiptareve do të jetë dita e Ramushit , do të jetë ditë për Ramushi po do të jetë një ditë e gëzimit për mbarë shqiptarët ku do që janë, të nderuar të rinj unë e di që sot po fillon një pjesë tjetër e jetës tuaj përveç shkollimit,aktiviteteve të vazhdueshme profesionale që i bëni, ju sot po hyni edhe një sfide të madhe që keni në jetën politike” ka thënë Berisha .
Për simbolikën dhe madhështinë e këtij aktiviteti të sotëm folën edhe Gent Begolli, kryetar i të rinjve të ARK-së së Kosovës.
“Motoja 100 të rinj në 100 vjetorin e pavarësisë së Shqipërisë është një ngjarje simbolike në shenjë të kujtimit të 100 vjetorit të Pavarësisë së Shqipërisë, duke kujtuar 100 vjetorin e pavarësisë së Shqipërisë në sot kujtojmë të gjithë burrat që dhanë aq shumë për këtë komb” ka thënë Begolli.
Aktiviteti është mbyllur me ndarjen e 100 librezave për 100 anëtarët e rinj që ky subjekt politik anëtarësoi në komunën e Pejës. /Kosovapress/