ASHR, kontroll klinikave dentare per cilesine dhe licencimin

Aktiviteti i te gjitha klinikave private shendetesore dhe atyre dentare ne Tirane, do t'u nenshtrohen se shpejti nje monitorimi te rrepte permes ngritjes se nje grupi te posacem. Sipas drejtorit te Autoritetit Shendetesor Rajonal, Mehill Gecaj, kjo strukture ne varesi te Ministrise se Shendetesise, po ngre nje grup pune, i cili eshte miratuar edhe nga bordi. "Shume shpejt do te kemi nje grup pune me mjeke, specialiste te laboratoreve, drejtorive te shendetit publik, specialist te stomatologjise dhe Ministrise se Shendetesise. Ky grup do te monitoroje me kontroll te rrepte keto klinika per veprimtarine, plotesimin e standardeve dhe dokumentacionit te tyre", tregoi Gecaj. Sipas tij, ne evidentimin e klinikave te palicencuara do te bashkepunohet me pushtetin vendor. Nderkohe, nje tjeter inspektim ka filluar nga Ministria e Shendetesise per kushtet dhe ambientet, ne te cilat mjeket stomatologe punojne. Sipas te dhenave ka rezultuar se mjeket e huaj, te cilet vijne nga vende te tjera dhe punojne kryesisht si laborante dentare nuk i plotesojne kushtet e percaktuara nga Ministria e Shendetesise. Sektori i licencimit ka te regjistruar vetem 600 klinika dentare, por mendohet qe mbi 800 klinika stomatologjike te jene ne te zeze. "Deri me tani na rezultojne te licencuara ne kryeqytet vetem 600 klinika, por nese pjesa tjeter qe nuk zbatojne ligjin nese nuk kryejne procedurat e kerkuara atehere do te mbyllen, ose do te marrin masat ndeshkuese", ka nenvizuar Pasholli. Sipas saj, ende nuk jane percaktuar masat e gjobave te cilet do te vendosen per shkelesit e ligjit. Por per ato klinika te cilet kane nje kohe te gjate qe punojne dhe nuk kane kryer asnjehere procedurat e licencimit do te kete mbyllje te aktivitetit.

Inspektimet, gjate ketij viti u mbyllen 3 klinika

Specialistet e sektorit stomatologjik kane detyruar tri klinika te vendosin drynat per te mos i hapur deri ne marrjen e licences. Pas sinjalizimeve te marra nga pacientet apo edhe individet te tjere, inspektoret kane kryer kontrollet per dokumentacionin ligjor. Nga keto kontrolle ka rezultuar se nje klinike ne Burrel, Lezhe dhe Tirane nuk ishin te pajisura me licence. Per kete arsye inspektoret kane detyruar pronaret e tyre per t'i mbyllur ato pasi mosplotesimi i kushteve ligjore sjell probleme te pacientet. Nese keta te fundit kane ankesa apo probleme me sherbimin qe kane marre institucionet e larta shendetesore nuk mund te kontrollojne keto klinika qe punojne ne te zeze.