ATP Londer fiton Djokovic humbet Murray
Novak Djokovic djerësiti shumë për të fituar ndeshjen e parë në turneun Masters të Londrës. Tenisti serb u përball me Tomas Brdic ndaj të cilit fitoi me shumë vështirësi me rezultatin 2-1.
Takimi filloi vrullshëm për tenistin cek që arriti të fitojë setin e parë 6-3 duke përfituar edhe nga një lloj përgjumjeje e numrit 1 të renditjes botërore. Në setin e dytë, Djokovic e rriti ndjeshëm lojën e tij dhe arriti të fitojë këtë fraksion 6-3 duke e cuar ndeshjen në set final. Në këtë moment ishte Brdic që kontrolloi lojën për pjesën më të madhe të kohës, por në momentet më vendimtare, ceku gaboi shumë duke i dhënë mundësi Djokovic të fitojë këtë set 7-6.
Kundërshtari i radhës i Djokovic në fazën e grupeve të turneut të Londrës do të jetë spanjolli David Ferrer i cili befasoi publikun londinez duke mundur idhullin e tyre, Andy Murray 2-0. Numri 3 i renditjes botërore, bëri shumë gabime në këtë sfidë, ndërkohë që Ferrer ishte më konstant në lojën e tij.
Murray e nisi mirë setin e parë duke fituar me shërbimet e Ferrer, por spanjolli iu kundërpërgjigj shumë shpejt duke e mbyllur këtë set në favor të tij 6-4.
E njëjta histori u pa edhe në setin e dytë, me Andy Murray që luajti më mirë në fillim, por që humbi në fund duke e vënë në dyshim ecurinë e tij në turneun e Londrës.
Ndërkaq, në pistën qendrore të “O2 Arena” u zhvillua edhe një ceremoni e shkurtër, kur Roger Federer iu dorëzua trofeu i lojtarit më të preferuar nga tifozët, trofe të cilin zvicerani e mori për të 9-in vit radhazi.
if (window.ads_ad_block){ads_ad_block=ads_ad_block+1;}else{ads_ad_block=1;} function showAdBlock_2136(ppc_ad_block_count) { title = document.title; show_ads_id = 2136; show_ads_url = "http://www.kosoftads.com/publisher-show-ads.php"; block_count=ppc_ad_block_count; iframe_width=580; iframe_height=115; metainfo=document.getElementsByTagName('meta'); ref=document.referrer; showContentAds(metainfo); } setTimeout("showAdBlock_2136("+ads_ad_block+")",1000*(ads_ad_block-1));
Lajmet kryesore
Zjarri në Tiranë, qindra miliona të shkrumbuar
Arrestohet pronari i fishekzjarreve
Procedurat e reja të pasaportave
Shqipëria, një vend ku vidhet edhe mendimi
Mbrëmjet e Berlusconi-t, shtyhet gjyqi kundër tre personave
Sabri Godo shtrohet në spital