Afganistan, 17 të vrarë, mes viktimave edhe të huaj

Një kamikaz sulmoi në një zonë të populluar, përfshirë një treg dhe një hotel në Kabul, ndërkohë që pas shpërthimit u dëgjua edhe një shpërthim tjetër si edhe të shtëna me armë, çka tregon se personi që hodhi veten në erë nuk ishte i vetëm.

Zëdhënësi i talebanëve, Zabihullah Muxhahid mori përgjegjësinë për këtë sulm. Burime të ndryshme njoftojnë se, deri tani, mes të vrarëve gjenden një qytetar italian, një francez dhe një indian.