Afganistan 9 te vdekur ne sulmin me autobombe

Një autobombë, në një sulm ndaj selisë së policisë në qytetin jugor afgan të Kandaharit ka vrarë të paktën nëntë persona, përfshirë edhe pesë policë.

Rreth 19 persona të tjerë u plagosën nga shpërthimi në një parkim makinash jashtë ndërtesës së policisë, bënë të ditur zyrtatë të pushtetit vendor.

Shpërthimi, mendohet të ketë qenë shkaktuar nga eksplozivë të fshehur brenda një makine të parkuar dhe është shpërthyer nga distanca. Vala e shpërthimit ishte mjaft e fortë aq sa theu dritaret aty pranë.

Askush nuk e ka marrë ende përsipër autorësinë e sulmit.