Afganistan, arrestohet një nga liderët e Hakanive

Lideri i super kërkuar u arrestua gjatë një operacioni  të përbashkët të forcave afgane dhe atyre të koalicionit në provincën Paktia.

Sipas forcave ndërkombëtare në Afganistan, Khan ishte i armatosur rëndë por nuk bëri qëndresë.

Haji Mali Khan është komandat për Afganistanin i rrjetit Hakani, i fajësuar për disa sulme të kryera gjatë kohëve të fundit në Afganistan.

Ai po ashtu është xhaxhai i liderit të rrjetit, Siraj Hakani, dhe ka shërbyer si emisar mes rrjetit Hakani dhe Baitullah Mehsudit, ish-kreu i forcave talebane të Pakistanit i cili është vrarë nga një raketë amerikane në vitin 2009./Start/F. Prroni/

                                                                                             2011-10-01 12:55