Afrikë e Jugut, vidhen edhe gazetarët neozelandezë

Pas vjedhjes së parë të futbollistëve të Uruguajit pikërisht ndërsa luanin ndaj Francës, në botërorin që ka nisur këtë muaj, është regjistruar një tjetër incident i ngjashëm.

Këtë herë viktima e grabitësve ka qenë një grup xhirimi nga Zelanda e Re, të cilit iu morën të gjitha pajisjet me të cilat do të xhironin turneun mitik të futbollit. Në konferencën e shtypit ku reporterët morën pjesë, u detyruan të përdorin pajisje me qira, ndërsa për shkak të vjedhjes, kanë ndërruar edhe hotelin në Afrikën e Jugut.

“Nuk mund të presësh që ngjarje të tilla të ndodhin në hotelet e rekomanduara nga FIFA dhe të quajtura të sigurta. Mendoni se c’mund të bëhet në vendet e tjera”, tha gazetari neozelandez që humbi pajisjet e transmetimit satelitor.

Kjo grabitje ishte e fundit ndaj gazetarëve në Afrikën e Jugut. Më parë një grup xhirimi kinez u detyrua të lërë të gjitha sendet me vlerë nën kërcënimin e armëve ndërsa disa gazetarëve portugezë iu vodhën pajisjet në hotel.