Agim Canaj: Faleminderit Sinani!

Trajneri i Vllaznise gjeti rastin te falenderoje autorin dhe njeriun e fitores ne ndeshjen e fundit, ne Fier, ku Viorenin Sinani shenoi dy here perballe Apolonise. Vllaznia, pas javes se 14-te te Kategorise Superiore ndodhet ne krye, madje ka thelluar diferencen ne kater pike, me vendin e dyte, Tiranen. Bardheblute nuk arriten te fitonin ne ndeshjen e djeshme derbi, ndaj Partizanit. Pas suksesit te radhes, trajneri i Vllaznise, Agim Canaj i thuri elozhe sulmuesit kryesor te ekipit, Viorenin Sinanit: "Me duhet te falenderoj per kete fitore, Viorenin Sinanin," - tha Canaj. - "Edhe pse ishte i demtuar ne ndeshjen me Apolonine, ai shenoi dy gola, duke e ndihmuar ekipin te arrije nje fitore teper te rendesishme," - shprehet me tej, trajneri i Vllaznise. Sipas Agim Canajt, Vllaznia ndodhet e para, sepse ne ndeshjet fundit kas luajtur mire, me deshire per te fituar. "Jane disa lojtare me eksperience ne ekipin tone, qe dine te bejne diferencen ne fushe. Prandaj Vllaznia ne keto jave ka pasur qendrueshmeri ne loje dhe ne rezultate. Shpresojme te ecim me kete ritem," - shprehet trajneri i kuqebluve. Sipas Agim Canajt, ne disa momente, pavaresisht aneve pozitive, edhe te Vllaznia ka vend per korrigjime. "Gjate lojes, ekipi ndonjehere nuk ruan te njejtin ritem te lojes. Edhe ne Fier, perballe Apolonise, ne pjesen e dyte mund te mos e kishim marre fitoren, sepse kundershtari na vuri ne presion. Ishte pjesa e pare e mire, por gjithsesi shpresoj qe ne ndeshjet e tjera te kampionatit te ndreqim edhe kete te mete," - perfundon Agim Canaj.