KOKSH dergon pamjet filmike ne IOC: Vendosni ju!

Aktet e dhunes, qe u shfaqen ne Asamblene e KOKSH-it, gjate mbledhjes per zgjedhjen e presidentit te ri, me 6 dhjetor, jane bere objekt i nje analize te jashtezakonshme, mbajtur nga Komitetit Ekzekutiv i Komiteteti Olimpik Shqiptar. Ne perfundim te takimit te djeshem, drejtuesit e Komitetit Ekzekutiv vendosen qe ngjarja t'i percillet IOC-se dhe te gjithe hapat e metejshem do te ndermerren, ne baze te konsultimeve me organizmin me te madh nderkombetar te sportit. Ne fund te mbledhjes, Genc Boka, anetar i Komitetit Ekzekutiv dhe jurist prane KOKSH-it denoi aktin e dhunes se ndodhur ne Asamblene e 14-te te pergjithshme zgjedhore, duke theksuar se eshte cenuar rende imazhi i sportit dhe Levizjes Olimpike e Sportive ne Shqiperi. "Nga dhuna e djeshme ne ambientet Olimpike, apo nga dhuna ne mbledhjet e asambleve te federatave sportive, humbasim te gjithe, aktoret e Sportit e te Olimpizmit, si dhe sportdashesit. Duke marre shkas nga sa ndodhi dje dhe meqenese Federatat Sportive jane ne periudhe para mbledhjeve te asambleve zgjedhore, i bejme thirrje komunitetit sportiv qe ti thote ndal dhunes dhe mungeses se etikes."

Vendimi

Komiteti Ekzekutiv i KOKSH-it do t'i drejtohet IOC-se (Komiteti Olimpik Nderkombetar) per ta informuar ne lidhje me zhvillimet e fundit. Keshtu do te dergohet i gjithe dokumentacioni dhe filmimet e punimeve te asamblese zgjedhore. Ne konsultim me qeverine olimpike boterore do te ndermerren hapat e metejshme.