Ahmedinexhad prezanton qeverinë e re

Ahmedinexhad dorëzoi sot në parlamentin iranian listën e ministrave të rinj të kabinetit të tij. Disa deputetë konservatore e kanë kundërshtuar hapur listën, ndërsa analistet shprehën se në qeveri do shihen për herë të parë disa fytyra të reja.

Risia tjetër e kësaj qeverie është se në kabinet janë përfshirë tri ministre femra. Parlamenti do të shqyrtojë kabinetin e propozuar në 23 gusht, ndërsa një javë më pas pritet miratimi i qeverisë së re të Ahmedinexhadit.