"Akademia e Yjeve" zgjedh 16 konkurrentet me te mire
Ata u perzgjodhen. Jane 16 konkurrentet me te mire, qe shenojne zyrtarisht nisjen e gares ne "Akademine e Yjeve 5". Enedio Jonusllari (kenge), Ornela Mustafa (kenge), Gureld Nake (kercim), Marinela Hysaj (balet), Albi Xhepa (kenge), Vilzana Parubi (kenge), Endri Karaboja (kercim), Dafina Turja (kenge), Fatjola Lamaj (kercim)), Anxhelo Koci (kercim), Andri Golemi (kercim), Branimir Agovi (kenge), Sandiola Dizdari (kercim), Sarentina Cako (kenge), Arisa Rexho (kenge), Rebeka Hysaj (kercim).
Pas nje gare plot emocione, 34 konkurrente nga qytete te ndryshme te Shqiperise dhe Kosoves, kane performuar ne ateliene e Akademise se Yjeve, ne dy gjinite, balet dhe kanto. Pjeset e zgjedhura i perkisnin nje repertori te shumellojshem, si hip-hop, balet klasik, latin dhe kontemporan. Gjithashtu dhe kenget kane patur nje shtrirje te gjere zhanresh dhe hitesh te njohura boterore. Risite e ketij viti do te zbulohen dite pas dite, duke nisur qe nga ambientet e shtepise ne Akademine e Yjeve, ku 16 konkurrentet e perzgjedhur do te bashkejetojne, e deri tek surprizat e shumta qe kane menduar organizatoret per kete format te ri televiziv, i cili ka nisur qe mbreme menjehere pas spektaklit perzgjedhes, transmetimin live 24 ore ne kanalin me te ri sezonal ne Digitalb. Ajo qe do te ndodhe brenda kesaj shtepie plot surpriza, do te jene caste nga mesimdhenia, pergatitja profesionale e konkurrenteve, prova te gjata, debate dhe rrefime per veten, familjen, jetet e tyre te meparshme, por edhe gjithcka ndodh mes tyre ne ato ambiente. Formati i ri i Akademise se Yjeve, do te shpalose tashme deri ne detaje karakteret e gjithsecilit prej konkurrenteve, perpjekjet e tyre per te triumfuar ne kete gare, ambiciet, por edhe personalitetin e gjithsecilit.
Organizatoret pohojne se Akademia e Yjeve do te zbuloje surpriza te reja ne takimet e ardhshme, te shtunave ne mbremje ne Tv Klan, ne specialet e pasditeve po ne TV Klan por edhe ne transmetimet live ne Digitalb, surpriza keto qe i garanton formati i ri i ketij spektakli.