Aksident fatal në Itali, humb jetën 32-vjeçari shqiptar, plagosen 7 persona

Një aksident tragjik i ndodhur mbrëmjen e së dielës (7 prill) në Itali i ka marrë jetën një 32-vjeçari shqiptar.

Mediat italiane raportojnë se i riu po udhëtonte me shpejtësi të madhe me një automjet tip “Porsche”, në momentin që është përplasur me disa automjete e më pas me pemën.

Për pasojë, 32-vjeçari që drejtonte mjetin ndërroi jetë, ndërsa ka mbetur e plagosur rëndë edhe pasagjerja.

Po ashtu, raportohet edhe për 6 të plagosur të tjerë. Aksidenti ndodhi në Sirmione, në zonën e Breshias.

/rtsh.al/