Aksident në Prishtinë, vdes një femër

Një femër ka vdekur dhe një mashkull ka marrë lëndime trupore si pasojë e një aksidenti në trafik që ka ndodhur në mbrëmë rrugën “Ilir Konushevci” në Prishtinë. 

Policia bënë të ditur se një femër ka pësuar lëndime vdekjeprurëse si pasojë e një aksidenti në trafik që ka ndodhur në mes dy veturave civile me ngasës dy meshkuj.

Vdekjen e viktimës, pasagjere në njëren veturë, e kanë konstatuar mjekët në QKUK-Prishtinë.

Si pasojë e aksidentit lëndime të lehta trupore ka pësuar edhe një mashkull i cili pas tretmanit mjekësor është liruar.

Me urdhër të prokurorit trupi i pajetë i viktimës është dërguar për obduksion./Indeksonline/