Aksioni i IKMT në Theth, vijon lirimi i hapësirave publike mes kundërshtisë së pronarëve

Në Theth ka vijuar edhe këtë të enjte aksioni i IKMT-së për lirimin e hapësirave publike.

Me mbështetjen e efektivëve të Policisë së Shtetit dhe të Policisë Bashkiake, punonjësit dhe mjetet e IKMT-së kanë vijuar shembjen e ndërtimeve sipas planit të parashikuar.

Pronarët e strukturave kanë vijuar edhe sot me protestat e tyre, teksa një protestueseje i ka rënë të fikët.

Për ditën e katërt radhazi, pa ndërprerje, Inspektorati Kombëtar i Mbrojtjes së Territorit vijon shembjen e ndërtimeve pa leje në Theth.

Sipas informacioneve, aksioni nuk do të ndalet deri në shembjen e dhjetëra strukturave të identifikuara në shkelje të ligjit në këtë zonë turistike.

Gazetar: Adrian Hoti

/rtsh.al/