Aktori 51 vjeçar martohet me 16 vjeçaren (FOTO)

Thonë se mosha nuk ka rëndësi kur bëhet fjalë për dashurinë. Kështu ka ndodhur me aktorin Doug Anthony Hutchinson dhe gruan e tij të re. 51 vjeçari, që u bë i famshëm për rolet në filmat Milja e Gjelbërt dhe serialin Lost, u martua me këngëtaren 16 vjeçare Courtney Alexis Stodden.

Martesa e tyre u realizua në Las Vegas. Edhe pse mosha ligjore për martesë atje është 18 vjeç, në rast se ka miratimin e prindërve, ajo mund të ulet deri në 16 vjeç.

Familja e 16 vjeçares është e lumtur me vendimin e saj. Ata thonë se Doug është një njeri i mrekullueshëm. Nëna e saj thotë se Courtney ishte e virgjër kur u martua me Doug. Ajo është një vajzë e mbarë kristiane, tha e ëma.