Aleanca Kuq e Zi: Shqipëria braktisi Kosovën për Serbinë

Aktivistët e Aleancës Kuq e Zi kanë qenë të pranishëm gjatë ditës së sotme në qytetin e Elbasanit, ku kanë kritikuar sërish vendimin e parlamentit shqiptar për heqjen e vizave me Serbinë.

Sipas Aleancës, si PD, ashtu dhe PS, braktisën Kosovën me këtë veprim në favor të Serbisë.

Aleanca Kuq e Zi shprehet se Shqipëria duhet ta kushtëzojë Serbinë me Koësovën dhe jot ë hapë kufijtë për të pa kushte. Kjo, në një kohë kur serbët kanë bllokuar kufijtë për kosovarët, duke ngritur barrikada.

Aktivistët e Aleancës ndërkohë kanë shpalosur një flamur gjigand kombëtar në kalanë e Elbasanit.