Aleatet e PS, te lekundur per ndryshimet ne Kushtetute

Ne nje kohe kur politika po zien te ndryshohet apo jo Kushtetuta, aleatet e majte duket se nuk jane shume entuziaste per idene me te fundit te Partise Socialiste. Kreu i Partise Socialdemokrate, Skender Gjinushi, Spartak Ngjela dhe demokristiani Nard Ndoka, i meshojne me shume levizjeve politike, pse jo edhe protestave. Sipas Ndokes, nese nuk do te kete reflektim nga ana e mazhorances, atehere aksioni opozitar duhet te jete serish protesta. Te njejten linje mbeshtet edhe Spartak Ngjela. "Duke qene se Saliu nuk pranon, atehere ne na hapet nje hapesire qe ta godasim ashper me levizje popullore", tha Ngjela. Nje levizje te re politike kerkon edhe kreu i PDS-se, Skender Gjinushi, i cili kritikoi madje ashper opoziten se po rri shume pasive ne kete periudhe. Me keto kerkesa te parashtruara, aleatet e majte duket se nuk entuziazmohen aspak nga propozimet e selise roze per ndryshime kushtetuese. Perkundrazi, Gjinushi tha dy dite me pare se me nje President te zgjedhur nga e majta nuk zgjidhet aspak kriza. Nderkohe qe selia roze, deri me sot ka bere te ditur se do te rikthehet ne Kuvend ne shtator, me celjen e sesionit te ri parlamentar dhe do te debatoje dhe jete pjese e diskutimeve te rendit te dites.