Alexander-Arnold dhe fjalët e Xabi Alonsos: Nëse nuk ke topin, përfundon duke ndjekur hijet

Trent Alexander-Arnold foli pas debutimit të tij me Real Madridin në barazimin 1-1 kundër Al Hilal. Ishte një debutim emocional për ish-lojtarin e Liverpoolit, i cili nuk e fshehu kënaqësinë e tij, ndërsa pranoi zhgënjimin për rezultatin: “Ishte një moment krenarie e madhe për mua, jam shumë i lumtur që kam bërë debutimin tim. Është diçka që të gjithë futbollistët ëndërrojnë në jetë. Jam jashtëzakonisht krenar, por padyshim që ka edhe pak zhgënjim. Kur luan për Real Madridin, ke mentalitetin e të dëshirosh të fitosh çdo ndeshje”, shpjegoi ai.

“Me një trajner të ri, shokë të rinj skuadre dhe ide të reja, ka ende shumë aspekte pozitive nga të cilat mund të fillojmë, veçanërisht në pjesën e dytë. Themelet janë hedhur për të fituar ndeshjen tjetër”. Mbi udhëzimet e marra nga Xabi Alonso, ai tha: “Në pjesën e parë ai nuk më tha asgjë specifike. Na kërkoi të kontrollonim më shumë lojën dhe të kishim posedimin e topit, veçanërisht në këtë vapë. Nëse nuk e ke topin në ndeshje si kjo, përfundon duke ndjekur hijet”.

“Është përvoja ime e parë larg Liverpoolit, nuk dija çfarë të prisja. Është një ndryshim i madh, por po jetoj çdo moment me entuziazëm. E di që kam bërë zgjedhjen e duhur për veten time”.