Almir Rrapo drejt burgjeve amerikane
Ish-sekretari i Ministrise se Jashtme akuzohet nga drejtesia amerikane per nje seri veprash penale mes te cilave vrasje dhe trafik nderkombetar droge. Vendimi i dhene nga Gjykata e Apelit ka forme te prere cka do te thote se Rrapo do tu dorezohet autoriteteve brenda 10 nentorit per tu zhvendosur ne nje prej burgjeve amerikane.
Seanca e pare ne apel u zhvillua ne fund te javes se kaluar ku gjykata kerkoi tre dite kohe per shqyrtuar kerkesat e bera nga mbrojtja si edhe ato te akuzes. Heret ne menegjesin e se henes Gjykata e Apelit vleresoi se ne baze te marreveshjes qe Shqiperia ka me SHBA-te Gjykata e Shkalles se Pare kishte vendosur drejt per te ekstraduar Rrapon ne Amerike ku akuzohet per 11 vepra penale.
Mbrojtja e 28-vjecarit qe kishte kerkuar moslejimin e ekstradimit drejt Amerikes per Rrapon tha se do ta dergonte ceshtjen drejt Strasburgut pasi ka verejtur se ligji amerikan parashikon edhe denim me vdekje per disa nga veprat penale per te cilat Rrapo akuzohet. Rrapo ka kryer krime ne disa prej shteteve amerikane mes te cilave edhe Konektikat ku eshte ne fuqi ligji i denimit me vdekje.