Ambasadori suedez, Svenson: Statusi, të plotësohen kriteret e kërkuara nga KE

Ambasadori i Suedisë Patrick Svenson, i beri apel politikës shqiptare që të angazhohet më tepër për realizimin e reformave të kërkuara nga Komisioni Evropian për marrjen e statusit. Svenson sqaroi se të gjitha kriteret janë të rëndësishme, por veçoi zbatimin e ligjit, luftën ndaj krimit të organizuar e korrupsionit. 

Ambasadori suedez komentoi edhe deklaratat e drejtuesve te larte te shtetit dhe politikes ne 100 vjetorin e pavarësisë. Përfaqësuesi i diplomacisë Suedeze në vendin tone u ndal edhe te lëvizja e lirë e shqiptarëve në zonën “Schengen” pas liberalizimit të vizave. Qytetarët, tha ai, duhet të kuptojnë se liberalizimi i vizave, përveç të drejtave ,parashikon edhe detyrime, të cilat duhet të zbatohen nga të gjithë.