Analizat, spitalet e vendit te infektuara

Monitorimet e kryera nga Specialistet e Institut te Shendetit Publik kane treguar se nje pjese e mire e spitaleve te vendit rezultojne te ndotur dhe pikerisht ne sallat e operacionit. Shefja e departamentit te semundjeve infektive, Silva Bino, e sheh me shqetesim situaten, pasi shtrirja e ketyre infeksioneve eshte e pranishme ne shume qytete. "Nga analizat e kryera ka rezultuar se spitali i Vlores, Shkodres, Kukesit, si dhe Spitali Ushtarak kane ndotje bakteriale ne sallat e operacionit. Ne keto qytete kjo ndotje eshte ne nivele shume te larta", theksoi specialistja e ISHP-se, Silva Bino. Sipas studimit me te fundit nga epidemiologet e ISHP-se, kryer per infeksionet spitalore ne spitalet tona, eshte verejtur nje shifer e larte tyre ne plaget pas operacionit. Keshtu, rreth 50 per qind e pacienteve gjate kohe se qendrimit ne spital, pervec semundjes qe kane, marrin edhe infeksione spitalore. E thene me qarte, 1 ne 2 paciente behet bartes i ketij infeksioni kur del nga spitali, shifer kjo qe ne vendet e zhvilluara te botes eshte shume me e ulet dhe shkon ne rreth 20 per qind. Kjo ka te beje me nivelin e pastertise qe ofrojne ambientet spitalore per pacientet gjate kohes se qendrimit, duke filluar qe nga korridoret, ne te cilet ata levizin e deri te sallat e operacionit. Sipas nje raporti te ISHP-se, te publikuar pak kohe me pare, ka rezultuar se ne sallat e operacionit ajri ka ngarkese bakteriale mbi normat e lejuara; eshte vene re prezenca e Stafilokokut, Streptokokut B.Hemoli-tik dhe myku, ndersa dhomat e shtrimit kane nivel te larte te lageshtires. Raporti citon se infermieret nuk bejne si duhet dezinfektimin e mjeteve te punes, ndersa ne duart e tyre eshte konstatuar dhe mbingarkese bakteriale. Nderkohe, studimi me i fundit i Instituti te Shendetit Publik per infeksionet spitalore ne Vlore ka rezultuar me te dhena pozitive per sallat e operacionit dhe ato te maternitetit. Sipas specialisteve, ndonese aty eshte kerkuar mbajtja e ambienteve te pastra per sallen e re te operacionit, ne ambientet e tjera niveli i infeksioneve spitalore ka rezultuar i larte. Sipas tyre, keto infeksione kane qene si ne maternitet ashtu edhe ne spitalin e qytetit. "Studimi me i fundit i ketij viti eshte kryer ne qytetin e Vlores, pas nje salle te re operacioni qe u inaugurua aty. Rezultoi se kishte probleme si ne maternitet te salla e operacionit, ashtu edhe ne spital", pohojne specialistet e ISHP-se. Tashme pritet te merren masa konkrete per te kapercyer kete situate, pasi kjo eshte e disata here qe analizat dalin negative, por asnje prej drejtuesve te ketij sektori nuk ka ndermarre asnje veprim.

Mikrobet e gjetura ne sallat e operacioneve rrezikojne seriozisht shendetin e pacienteve. Esherica coli eshte nje tjeter bakter, qe ben pjese ne grupin e ikokeve dhe jep infeksione ne rruget e veshkave, gjithashtu ai jeton edhe ne zorre te trashe.

Masat, pas rezultateve perfundimtare te analizave

Mjeket e pavijonit te kardiokirurgjise, por edhe drejtues te Qendres Spitalore Universitare "Nene Tereza", jane duke marre masat per zgjidhjen e problemit dhe te situates. Sipas tyre, do te jene analizat e laboratorit epidemiologjik te QSUT-se, qe do te tregojne edhe menyren dhe kohen kur do te behet dezinfektimi i ambienteve te tre sallave, te cilat rezultojne te mbyllura prej nje jave, per shkak te ketij infeksioni bakterial. E ndersa jane duke u marre masat per ambientet e brendshme, per pacientet ende nuk dihet se cfare masash do te merren, nese do te vazhdojne te kurohen ne spital apo jashte tij.