Anëtarësimi i Maqedonisë në BE mund të shtyhet

Komisioni Evropian mund të tërheq rekomandimin për Maqedoninë për fillimin e negociatave për anëtarësim në BE për shkak të shqetësimeve nga situata politike.
Mediat në Maqedoni ka mësuar nga burime të afërta me KE-në se rekomandimi mund të tërhiqet për ti dërguar sinjal serioz qeverisë në Shkup se nuk është e pjekur dhe serioze për tu ballafaquar me problemet kyçe.
Brukseli zyrtar vlerëson se Maqedonia akoma nuk po arrin që të mbyll shumë çështje të ndjeshme si: sundimi i së drejtës, mungesa e dialogut politik, shqetësimet e shqiptarëve për mosrealizimin e Marrëveshjes së Ohrit 10 vite pas arritjes së saj, reformat në gjyqësor si dhe liria e mediave, etj.
Nuk ka asnjë rregullore apo ligj që ndalon Komisionin Evropian që të tërheq rekomandimin, por deri tani ndaj asnjë vendi nuk është ndërmarrë ndonjë hap i tillë.
Diplomatë europerëndimorë kanë bërë të ditur më parë se dhënia e rekomandimit për Maqedoninë ishte një nxitje dhe shtytje për kryeministrin Nikolla Gruevski që të krijojë hapësira lehtësuese për zgjidhjen e kontestit të emrit me Greqinë.
BE ka shprehur shqetësimet se vendi nuk është i aftë për të zgjidhur nëpërmjet dialogut të brendshëm politik çështjet e hapura duke treguar unitet për qëllimet strategjike. Raportuesi i Parlamentit Evropian për Maqedoninë, eurodeputeti slloven Zoran Taler hapur ka shprehur pakënaqësi ndaj politikës izoluese të praktikuar nga kryeministri Gruevski dhe mungesën e iniciativave për zgjidhjen e problemeve në vend.Situata politike në maqedoni është tensionuar edhe më tepër pas bojkotit parlamentar të partive opozitare dhe kërkesës së tyre për zgjedhje të parakoshme.