Anglia, Southgate: Në gjunjë për botën gjithëpërfshirëse

“Ne diskutuam mes nesh nëse duhet të gjunjëzohemi para ndeshjes, pasi kjo është ajo që kemi bërë për një kohë të gjatë. E di që në Premier League tani skuadrat e bëjnë këtë vetëm në ndeshje të mëdha, por kjo, Kupa e Botës është skena e duhur dhe prandaj do të dëshiroja të jetë një mesazh i fortë në favor të gjithëpërfshirjes për të rinjtë nga e gjithë bota”. Kështu trajneri i Anglisë, Gareth Southgate, në prag të debutimit në Katar 2022 kundër Iranit, konfirmoi se skuadra e tij e tij do të rikthehet në gjunjë përpara ndeshjes.

Pyetja për kundërshtarët dhe situatën politike dhe rendin publik në vendin e tyre është e pashmangshme. “Në muajt e fundit mediat tona më kanë bërë shumë pyetje të natyrës politike – thotë Southgate – por këtë e kuptoj duke pasur parasysh pozicionin që kam”.

“Mund të them vetëm se i respektoj iranianët, ata kanë cilësi dhe në Botërorin e fundit, me Carlos (trajneri Queiroz) kishin një organizim të shkëlqyer të lojës”.

“Sa për tonin, si vend – shtoi trajneri i Anglisë – e di se tani jeta është bërë e vështirë për shumë njerëz, ka një recesion ekonomik që prek shumë dhe për këtë arsye ne do të donim që udhëtimi ynë t’u sjellë lumturi njerëzve”.