Apeli i GJKKO i caktoi detyrim paraqitje, Berisha rekurs në Gjykatën e Lartë
Kreu i Partisë Demokratike, Sali Berisha depozitoi rekurs në Gjykatën e Lartë, ku kërkon shfuqizimin e masës së sigurimit të caktuar ndaj tij nga Apeli i GJKKO, “detyrim paraqitjeje”.
Apeli i Posaçëm i caktoi ish-kryeministrit masën e sigurisë “detyrim paraqitje” në 3 janar të këtij viti, pas mbajtjes nën masë e sigurisë “arrest shtëpie”, pasi nuk respektoi masën fillestare të detyrimit të paraqitjes së caktuar nga GJKKO.
Kjo masë u caktua në kuadër të dosjes së privatizimit të ish-kompleksit sportiv “Partizani”.
/rtsh.al/