Arabia Saudite 14 te plagosur ne revolta

14 persona janë plagosur në revoltat që përfshinë pasditen e sotme një provincë në lindje të Arabisë Saudite, raportoi televizioni shtetëror i vendit.

Sipas versionit zyrtar, revolta në krahinën e Qatifit u nxit nga një shtet i huaj, pa përcaktuar se cili. Pakica e popullsisë shiite në Arabinë Saudite është e përqendruar pikërisht në lindje, ku ndodhën edhe një sërë përplasjesh më parë gjatë vitit.

Midis të plagosurve, tetë prej tyre ishin punonjës policie, ndërsa tre civilë. Ministria e Brendshme lëshoi një deklaratë në të cilën përshkruante se si “një personash të jashtëligjshëm, duke lëvizur me shpejtësi, sulmuan me bomba molotov forcat e rendit”.

Ndonëse nuk u bë asnjë akuzë konkrete ndaj vendit të përfshirë në këto revolta, referimi është i qartë për Iranin, shteti i vetëm i rajonit me shumicë popullësie shiite.

Në mars, policia saudite hapi zjarr për të shpërndarë demonstruesit në krahinën e Qatifit, një ditë përpara se të organizohej një protestë kombëtare anti-qeveritare.

E drejta e protestës është e ndaluar me ligj në Arabinë Saudite, vend i drejtuar nga një monarki absolute që prej ribashkimit të shtetit në vitin 1930. Shiitët përbëjnë 10% të numrit total të popullsisë arabosaudite.
if (window.ads_ad_block){ads_ad_block=ads_ad_block+1;}else{ads_ad_block=1;} function showAdBlock_2136(ppc_ad_block_count) { title = document.title; show_ads_id = 2136; show_ads_url = "http://www.kosoftads.com/publisher-show-ads.php"; block_count=ppc_ad_block_count; iframe_width=580; iframe_height=115; metainfo=document.getElementsByTagName('meta'); ref=document.referrer; showContentAds(metainfo); } setTimeout("showAdBlock_2136("+ads_ad_block+")",1000*(ads_ad_block-1));


Lajmet kryesore

Përvjetori i marrëdhënieve Shqipëri-SHBA
Berisha lapsuse nga emocioni
Azotiku, shteti humbi miliona euro
Hije skandali për makinat e vjetra
Censusi, minoritarët nuk bojkotojnë
Lehtësirat për biznesin, Shqipëria, vendi i 64-t