Ardian Gola zgjidhet nënkryetar i Kuvendit, Vlora Çitaku nuk merr votat e nevojshme
PRISHTINË, 11 shtator /ATSH/ Deputeti i Lëvizjes Vetëvendosje, Ardian Gola, është zgjedhur nënkryetar i Kuvendit të Kosovës.
Gola mori 101 vota, asnjë kundër dhe një abstenim, duke siguruar kështu zgjedhjen në pozitën e dytë në parlamentin e Kosovës.
Ndërkohë, Partia Demokratike e Kosovës kishte propozuar Vlora Çitakun për këtë pozitë.
Megjithatë, Çitaku nuk arriti të zgjidhet. Ajo mori 44 vota, një kundër dhe 56 abstenime.