Argjentina dhe Danimarka, mberrijne kombetaret e para ne Afrike

Skuadrat pjesemarrese ne Boterorin e Afrikes se Jugut kane nisur te zbarkojne njera pas tjetres ne kryeqytetin e vendit organizator, Johanesburg. Ne mengjesin e se shtunes eshte shenuar edhe mberritja e ekipit te Argjentines. Ekipi i drejtuar nga Diego Armando Maradona synon triumfin e trete ne historine e finaleve te boterorit, si dhe per te konfirmuar anen e kundert te kritikave, qe i jane bere kohet e fundit. Maradona eshte njeriu qe udhehoqi skuadren e tij drejt fitores ne Boterorin e Meksikes ne 1986, por si trajner duhet te tregoje se eshte po aq i afte, edhe ne keto finale. Argjentina ka nje skuader plot me lojtare te klasit boteror, por cuditerisht siguroi kualifikimin per ne boteror vetem pas ndeshjes se fundit ne grup. Maradona ka lene jashte skuadres se vet lojtare te medhenj, si Esteban Kambiaso dhe Javier Zaneti, por ka po ashtu edhe repartin e sulmit me te frikshem per momentin, me futbolliste te shquar, si Karlos Tevez, Diego Milito, Martin Palermo, Gonzalo Higuain, Serxhio Aguero, apo organizatorin me te mire ne bote, Lionel Mesin. Argjentina do te akomodohet ne qytetin e Pretorias, ne pritje te ndeshjes se pare, qe do te luhet me 12 qershor. Ne Johanesburg ka mberritur edhe ekipi i Danimarkes, me qellim qe skuadra nordike te ambientohet me klimen e nxehte te Afrikes. Danezet ndodheshin me Shqiperine ne grupin eliminator te zones se Evropes dhe pas diferences se krijuar u kualifikua direkt ne finale te Kupes se Botes. Trajneri i ekipit danez Martin Olsen, kapiteni i ketij ekipi ne finale te Kupes se Botes 1986 dhe trajner ne vitin 2002, shpreson qe te nise me sukses eventin e Afrikes se Jugut. Danimarka ben pjese ne grupin E dhe ndeshjen e pare do ta luaje me Holanden me 14 Qershor ne Johanesburg.