Arrestohet marinari italian në Portin e Durrësit, kapet duke tentuar të kalojë lëndë narkotike

Një 25-vjeçar italian me inicialet S.M., i punësuar si marinar në një traget të linjës Durrës-Ankona, është arrestuar në terminalin e pasagjerëve të Portit të Durrësit. Ai u kap në flagrancë duke tentuar të kalojë një pako me lëndë narkotike, e dyshuar si kanabis.

Kontrolli ndaj tij u krye pas informacionit të siguruar nga rrugë operative. Lënda narkotike u sekuestrua si provë materiale, ndërsa materiali procedurial i kalon Prokurorisë pranë Gjykatës së Shkallës së Parë Durrës, për hetime të mëtejshme për veprën penale “Trafikim i lëndëve narkotike”.

Riu u arrestua në dalje të Republikës së Shqipërisë, në ambientet e terminalit të pasagjerëve, duke shkelur ligjin për trafikimin e narkotikëve.

/rtsh.al/