Arrestohet një serb në Kosovë, i dyshuar për përgatitjen e një vrasjeje

Arrestohet një shtetas serb në Fushë-Kosovë. Sipas raportimeve, ai akuzohet për veprat penale “përgatitje e veprës penale vrasje”, “prezantim i rremë si person zyrtar” dhe “mashtrim”.

Policia e Kosovës njofton se ka kontrolluar banesën e tij dhe ka sekuestruar dokumente.

“Përgatitje e veprës penale vrasje dhe prezantim i rremë si person zyrtar dhe mashtrim. Më 05.12.2024 është arrestuar i dyshuari mashkull shtetas i Serbisë nën dyshimin se i njëjti ka kryer veprat e lartcekura. Lidhur me rastin gjatë kontrollit në banesën e tij si prova materiale janë sekuestruar dokumente të ndryshme. Pas intervistimit i dyshuari me vendim të prokurorit është dërguar në mbajtje”, njoftoi policia./abcnews.al