Arsenali nuk rritet kurre e mund ne finale Birmingemi

Arsenali duket se nuk do te rritet kurre. Kete sezon ekipi i Arsen Vengerit pa Fabregasin ne fushe u befasua ne finalen e Carling Cup nga Birmingemi qe ngriti dje te parin trofe qe prej vitit 1963. Fale nje goli te Obafemi Martins pas nje gafe mes portierit Shezni dhe mbrojtesit Koshielni rezultati sigloi shifrat 1-2 duke evituar shtesen. Sulmuesi nigerian shenoi golin me te rendesishem te karrieres se tij. Kur te gjithe mendonin se do te ishin topcinjte ata qe ne mitikun Wembley do te ngrinin trofeun e pare pas 6 vitesh pa asnje titull djemte e Aleks Meklish kishin pergatitur ndeshjen e jetes se tyre. Blute kaluan te paret ne avantazh kur ne minuten e 28-te Roxher Xhonson gjuan me koke pas goditjes nga kendi dhe Zigic devijon duke i vjedhur kohen portierit polak. Wembley shijon golin e pare ndersa Arsen Venger edhe pse priste nje ndeshje te veshtire zor se besonte te fati i hidhur qe Birmingemi kishte rezervuar per londinezet. Pak caste me vone sulmuesi serb kishte nje tjeter shans kur u gjend balle per balle me Sheznin por nuk arriti dot ti jepte goditjen e knockout-it Arsenalit. Por perpara se Birmingemi te niste te enderronte kapiteni i Arsenalit ne kete ndeshje Van Persi barazoi rezultatin ne minuten e 39-te. Uilsher do te godiste nga distanca por topi do te ndalej vetem nga traversa per te shkuar ne kembet e Arshavin. Mesfushori rus krosoi nje top ne qender dhe Van Persi goditi fluturimthi duke mos i dhene asnje shans portierit Foster. Me fillimin e pjeses se dyte Arsenali dukej me mire i pozicionuar ne fushe por ishte serish Birmingemi ai qe djersinte me teper. Arsenali provoi me nje seri rastesh por Ben Foster beri mrekulline me disa nderhyrje shpetimtare. Atehere kur dukej se fati i ndeshjes do te shkonte drejt kohes shtese erdhi dhe goditja vrastare. Obafemi Martins kishte ardhur nga stoli ne minuten e 83-te dhe iu deshen vetem 6 minuta per te hyre ne histori. Sulmuesi nigerian shfrytezoi nje gafe ne mbrojtjen e Arsenalit dhe nuk e pati te veshtire te shtynte topin drejt rrjetes boshe. Me gjithe perpjekjet e topcinjve per te barazuar per te dyten here koha nuk ia fali kete mundesi duke i mohuar trofeun e pare te sezonit i cili iu duhej me shume se kurre per ti mbeshtetur psikologjikisht ne luften per titull dhe Ligen e Kampioneve.