Asnjë verifikim për dëmet nga përmbytjet, Fermerët: Do bllokojmë rrugët

Shkodër- Teksa politika është mbërthyer nga ethet e fushatës elektorale, dëmshpërblimet për përmbytjet në zonën e nënShkodrës nuk kanë njohur asnjë verifikim në terren nga ekspertë të fushës.

Mësohet se asnjë grup verifikuesish nuk ka kontaktuar me të dëmtuari ose autoritet vendore veçanërisht në Berdicë dhe Ana e Malit, si dy zonat më të dëmtuara.

Ky fakt ka ngritur revoltën e banorëve dhe bizneseve që u preken nga përmbytjet e fundit të cilët shprehen se do të organizojnë protesta duke paralajmëruar edhe bllokimin e akseve nacionale që të lidhin me qytetin verior.

Përmbytjet e fundit në Shkodër kanë shkatërruar ekonomitë familjare të qindra personave, e vetmja mundësi për të mbijetuar.

Përmbytje në Shkodër, dëme në biznese