Assad nxjerr dekret për qeveri të re

Televizioni shtetëror i Sirisë tha se presidenti Bashar al-Assad ka lëshuar një dekret për formimin e qeverisë së re, më pak se dy muaj pas zgjedhjeve kundërthënëse parlamentare, të cilat u bojkotuan nga opozita.

Televizioni tha se kabineti i ri do të udhëhiqet nga ministri aktual i Agrikulturës, Riad Hixhab, që është një besnik i fuqishëm i Assadit dhe anëtar kryesor i partisë Bath në pushtet.

Ndërkohë, aktivistët opozitarë thanë se të paktën 50 njerëz janë vrarë të premten në Siri, në luftimet në mes të kryengritësve dhe forcave besnike të Assadit.