Assadin nuk ka kush ta ndalë
Dëshmitarët dhe aktivistët thonë se mijëra vetë morën pjesë në funeral. Pati njoftime për disa të plagosur, por nuk dihet numri i saktë i viktimave.
Ndërkaq, protestuesit anti-qeveritarë intensifikuan protestat kundër regjimit, më të mëdhatë prej të cilave u zhvilluan në Damask dhe në qytetin Alepo.
Protestat u zhvilluan ndërkohë që zëvendësministri i Jashtëm i Kinës, Zhai Jun, u bëri thirrje të gjitha palëve në Siri t’i japin fund dhunës dhe shprehu mbështetjen për referendumin mbarë sirian për kushtetutën e re, qw zhvillohet javën e ardhshme.
Pas një takimi me Presidentin Bashar al-Assad, Zhai tha se shpreson që referendumi, i planifikuar për më 26 shkurt do të zhvillohet qetësisht dhe se reformat politike të shpallura nga qeveria do të ndihmojmë për t’i hapur rrugën në zgjidhjeje paqësore të kryengritjes 11 mujore në Siri.
Megjithatë, udhëheqësit e opozitës siriane kanë refuzuar të bisedojnë me qeverinë, duke këmbëngulur që presidenti Assad të jap dorëheqje. Një plan i Lidhjes Arabe i bën thirrje Assadit t’i dorëzojë pushtetin nënpresidentit, të krijohet një qeveri uniteti dhe të mbahen zgjedhjet presidenciale. Qeveria siriane e ka hedhur poshtë planin.