Atentati në Rusi, tre në pranga

Policia ka arrestuar në Ingusheti vëllain 16 vjeçar dhe motrën 22 vjeçare të Magomed Yeloyev, i dyshuar si kamikaz i atentatit në aeroportin e Demodedovos, në Moskë.

Sipas agjencisë së shtypit “Itar-Tass”, në pranga ka përfunduar edhe një i dyshuar i tretë si bashkëpunëtor.

Prokuroria ka marrë masën e ndalimit për të tre për një periudhë dy mujore, për të vërtetuar një përfshirje të mundshme të tyre.