Australia: S’do dërgojmë trupat tona ushtarake në asnjë lloj konflikti
Ministri i Industrisë së Mbrojtjes së Australisë, Pat Conroy ka deklaruar se vendi i tij nuk do të dërgojë trupa ushtarake për asnjë lloj konflikti.
Sipas Conroy-t Australia i jep përparësi sovranitetit të saj dhe “kjo nuk diskutohet”.
“Vendimi për të mos dërguar trupat Australiane në një konflikt do të merret nga qeveria, jo paraprakisht, por nga qeveria”, tha ai.
Financial Times raportoi të shtunën se Elbridge Colby, nënsekretari amerikan i Mbrojtjes ka kërkaur mbështetjen e zyrtarëve australianë dhe japonezë në rastin e një konflikti të Kinës me Tajvanin megjithëse ShBA nuk ofron garanci për të mbrojtur Tajvanin.
Colby postoi në X se Departamenti i Mbrojtjes po zbaton agjendën e Presidentit Donald Trump “America e Para” e cila përfshin rritjen e shpenzimeve nga “aleatët për fushën e mbrojtjes dhe përpjekjet e tjera që lidhen me mbrojtjen tonë kolektive.”
Kina pretendon se e qeverisi në mënyrë demokratike Tajvanin dhe nuk ka përjashtuar përdorimin e forcës për ta sjellë Tajvanin nën kontrollin e saj.
Presidenti i Tajvanit Lai Ching-te hedh poshtë pretendimet e sovranitetit të Kinës, duke thënë se vetëm njerëzit e Tajvanit mund të vendosin të ardhmen e tyre.
Nga ana e tij, kryeministri Australian Anthony Albanese, duke folur në Shanghai në fillimin e një vizite gjashtë-ditore në Kinë që ka të ngjarë të përqendrohet në sigurinë dhe tregtinë, tha se Canberra nuk dëshiron ndonjë ndryshim në status quonë e Tajvanit.
Conroy tha se Australia ishte e shqetësuar për ndërtimin ushtarak të Kinës të forcave bërthamore dhe konvencionale, dhe dëshiron një rajon të ekuilibruar indo-Paqësor, ku asnjë vend nuk mbizotëron. Ndërsa theksoi se Kina po kërkon një bazë ushtarake në Paqësor, e cila nuk është në interes të Australisë.
/rtsh.al/